من طرف النهاردة انا جايبالكم عشر طرق لأي واحد عاوز
يعكنن على مراته ..
خد منى الخطوات دى وعيش انت بقى
1-
الصبح وانت رايح على شغلك وهى نايمة تعمد اسقاط اى شيء
او أخبط الباب بصوت عالى علشان تصحيها هى كمان اشمعنى انت ؟
ولو حاولت ترجع تنام تانى قولها مادام صحيتي حضري الفطار بقى
2-
اذا كنت بتتفرج على التلفزيون وهى عايزة تغير القناة قولها معلش الحلقة دى مهمة جدا
واحد صاحبي شافها على القناة الفضائية وقالى ان الحلقة
دى هي المسلسل كله
ولو كنت بتتفرج على ماتش كورة هيبقى الموضوع
اسهل كل ما حد من اللاعبين من اى فريق يمسك الكورة
قولها معلش ثواني بقى انا حاسس ان الكورة دى (جون)
حتى لو كان حارس المرمى ماسك الكورة والماتش واقف لان فى واحد مصاب
(ملاحظة : اغلب النساء ذو ثقافة كروية ضعيفة )
3-
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق
واكبر كمية من الملاعق والشوك و 5 حلل من اللي عندكم فى المطبخ
و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك الثلاجة مفتوحة وقشر البيض فى الحوض
4-
فى عيد ميلادها زينلها تورتة عيد ميلادها بخمسين شمعة
ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت
وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
5-
لو عملة ريجيم اجري على السوبر ماركت ومحلات الحلويات
واملى الثلاجة شكولاتة وحلويات وجاتوهات
ويراعى التجول وانت مستمتع بأكل الجاتوة امامها
6-
متنساش رأيك فى طبيخها لو عاملة لحمة قولها حلو اوووى الفراخ دى
ولو طبخة بامية جميلة اوي الملوخية دي ياحياتي حاطة عليها اية ؟؟
ولو عاملة كيكة قولها انا بحب اشرب شاى مع البسكويت الحلو دة !!
7-
لو طلبت منك تنشر الهدوم قولها حاضر مع ابتسامة حانية
وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى
الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
8-
لو الزوجة قررت مسح الارضيات فى البيت حاول انك تروح وتيجى على المناطق المبلولة
متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
9-
لو كانت مشغولة فى نظافة البيت او مع الاولاد
وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة
من دخولك المطبخ وانت ماسك كوبية من الاتنين
وهى مكسورة واسألها فى براءة ارمي دى فين ؟؟
10-
وانت قاعد تتفرج على التلفزيون وهى طالع عينها فى تنظيف البيت
وبعد ما تخلص وتيجى يدوبك تقعد تستريح جنبك بصلها وقولها حبيبتي معلش
ممكن كوباية مية علشان ضهري بيوجعني
منقول
اي خدعة يا معلم
